Աղդամում սկսվում է ներքին ճանապարհների շինարարությունը

Ադրբեջանի ​​Ավտոմոբիլային ճանապարհների պետական գործակալությունը Աղդամում իրագործում է ներքին ճանապարհների շինարարության առաջին փուլը, որն անցկացվում է 58,7 կմ երկարությամբ հատվածում։
 
Ինչպես հայտնում է Caliber.Az-ը՝ գործակալությանը հղումով,  այդ հատվածում կատարվել է աշխատանքների 70%-ը։
 
Քաղաքի գլխավոր հատակագծի համաձայն՝ Աղդամի ներքին ճանապարհների ընդհանուր երկարությունը կազմում է 189,7 կմ։ Նախագծով նախատեսված հիմնական ճանապարհների երկարությունը 17,5 կմ է։ 55-60 մետր լայնությամբ այս ճանապարհները բաղկացած են լինելու 6-8 գոտիներից։ Համաքաղաքային նշանակության ճանապարհների երկարությունը կկազմի 50 կմ, տեղական ճանապարհներինը՝ 122,2 կմ։
 
Քաղաքի ներքին ճանապարհային հաղորդակցության ցանցի հիմքը դրվել է 2022 թվականի հոկտեմբերի 4-ին։ Շինարարությունը նախատեսվում է ավարտել 2026 թվականին։