«Սահմանադրության և ինքնիշխանության տարի». Խանքենդիում ադրբեջանական սփյուռքի ամառային ճամբար կանցկացվի

Այս տարի ադրբեջանական սփյուռքի ամառային ճամբարը կանցկացվի Խանքենդի քաղաքում։
 
Ինչպես հաղորդում է Caliber.Az-ը, միջոցառումը կազմակերպվել է՝ Սփյուռքի հետ աշխատանքի պետական ​​կոմիտեի և Հեյդար Ալիևի հիմնադրամի կողմից։
 
2025 թվականը Ադրբեջանում Սահմանադրության և ինքնիշխանության տարի հայտարարելու համաձայն՝ ճամբարի կարգախոսն է լինելու «Սահմանադրության և ինքնիշխանության տարի»։
 
Ճամբարը  կանցկացվի 2025 թվականի օգոստոսի 3-ից 9-ը։  Ճամբարին կմասնակցեն աշխարհի տարբեր երկրներից ժամանած ավելի քան 100 երիտասարդ ադրբեջանցիներ, ինչպես նաև Ադրբեջանին բարեկամ ժողովուրդների ներկայացուցիչներ։
 
Մասնակիցները կկարողանան ծանոթանալ Խանքենդիի և ամբողջ Ղարաբաղի պատմամշակութային հուշարձաններին, ինչպես նաև կհանդիպեն նահատակների ընտանիքների և վետերանների հետ։
 
Ճամբարին կարող են մասնակցել 18-ից 29 տարեկան ադրբեջաներենին տիրապետող երիտասարդներ։ Մասնակցության ծախսերը ամբողջությամբ կհոգան կազմակերպիչները։