Ադրբեջանցի իրավապաշտպանները ստուգել են ձերբակալված հայերի պահման պայմանները

Ադրբեջանի կտտանքների դեմ կոմիտեի նախագահ Թուրալ Հուսեյնովը և նրա տեղակալ Էլչին Շիրինովը մոնիթորինգ են անցկացրել՝ Պետական անվտանգության ծառայության (ՊԱԾ) ժամանակավոր պահման մեկոսարանը և հետաքննական  մեկուսարանում։
 
Այս մասին Report-ին հայտնել է կոմիտեի փոխնախագահ Է. Շիրինովը։
 
Նրա խոսքով՝ ստուգայցը վերաբերել է ձերբակալվածների պահման պայմաններին, ձերբակալվածների հետ վերաբերմունքին, ինչպես նաև նրանց սննդի և դեղորայքի ապահովմանը։ Այցի ընթացքում ներկայացուցիչները հանդիպել են պատերազմական հանցագործությունների մեջ մեղադրվող հայազգի անձանց և այլ ձերբակալվածների հետ։
 
«Այս անձինք որևէ բողոք չեն ներկայացրել նրանց պահման կամ բուժման պայմանների վերաբերյալ։ Բոլոր խցերը հագեցած են հեռուստացույցներով ու ռադիոյով, և ապահովված է փաստաբանների հետ կապը։ Նրանց հնարավորություն է տրվում շաբաթը երկու անգամ զանգահարել և հանդիպել հարազատների հետ։ Հասանելի են մարզասրահ և գրադարան, ինչպես նաև ձերբակալվածներին փոխանցվում է տնից ուղարկված սնունդը», - նշել է Շիրինովը։
 
Նա հավելել է, որ վերանորոգումից հետո հետաքքնական  մեկուսարանում պայմանները բարելավվել են. «Բոլոր խցերում տեղադրված են օդափոխիչներ, անհատական սանհանգույց: Կալանավորներին ամեն օր հնարավորություն է տրվում զբոսնելու մաքուր օդում»: