Ալիևը և Մերցը մտքեր են փոխանակել՝ ադրբեջանա-գերմանական հարաբերությունների զարգացման հեռանկարների վերաբերյալ

Դեկտեմբերի 4-ին Գերմանիայի կանցլեր Ֆրիդրիխ Մերցը զանգահարել է Ադրբեջանի Հանրապետության նախագահ Իլհամ Ալիևին։
 
Ինչպես Caliber.Az-ին հայտնել են Ադրբեջանի նախագահի մամուլի ծառայությունից, Մերցը նախ շնորհավորել է Ի. Ալիևին՝ Ադրբեջանի և Հայաստանի միջև խաղաղության օրակարգի առաջխաղացման գործում ձեռք բերված հաջողությունների համար։ Կանցլերն ընդգծել է,  որ Գերմանիան աջակցում է տարածաշրջանում կայունությանը։
 
Շնորհակալություն հայտնելով շնորհավորանքի համար՝  մեր պետության ղեկավարը նշել է, որ Ադրբեջանը հանդիսանում է տարածաշրջանային խաղաղության նախաձեռնությունների հեղինակը։
 
Նախագահ Իլհամ Ալիևը ընդգծել է, որ մեր երկիրը այսուհետ էլ կշարունակի ջանքերը՝ տարածաշրջանում կայուն խաղաղություն ապահովելու և ամրապնդելու համար։
 
Հեռախոսազրույցի ընթացքում մտքերի փոխանակություն է կատարվել՝ Ադրբեջանի և Գերմանիայի միջև երկկողմ հարաբերությունների զարգացման հեռանկարների  շուրջ։ Կանցլեր Մերցը Ադրբեջանի նախագահին հրավիրել է այցելել Գերմանիա։ Նախագահ Իլհամ Ալիևը գոհունակությամբ ընդունել է հրավերը, և  իր հերթին՝ Գերմանիայի կանցլերին հրավիրել է այց կատարել Ադրբեջան։ Ֆրիդրիխ Մերցը նույնպես գոհունակությամբ ընդունել է հրավերը։