Արդյո՞ք Ահմեդբեյլի-Ֆիզուլի-Շուշա ճանապարհը վճարովի կլինի

Ահմեդբեյլի-Ֆիզուլի-Շուշա ճանապարհը շուտով լիովին շահագործման կհանձնվի։
 
Report-ի  փոխանցմամբ՝ այս մասին Խանքենդիում Քաղաքաշինության  3-րդ ազգային ֆորումի (ԱՔԱՖ) ժամանակ ասել է՝ Շուշայի շրջանում Ադրբեջանի նախագահի հատուկ ներկայացուցիչ Այդըն Քերիմովը։
 
Նա նշել է, որ նախագծի շրջանակներում կառուցվել է յոթ թունել և ինը կամուրջ. «Այս ճանապարհը, որը եզակի է Ադրբեջանում, շուտով լիովին շահագործման կհանձնվի։ Որոշ տվյալներով, ճանապարհը վճարովի կլինի, բայց ես վստահ եմ, որ  դա արժե։ Դա բարձր մակարդակի  ենթակառուցվածք է»։
 
Քերիմովը հավելել է, որ Շուշա քաղաքի զարգացումը ընթանում է արագ տեմպերով. «Ենթակառուցվածքային նախագծերի իրականացումը  առանցքային դեր է խաղացել այս գործընթացի արագ առաջընթացն ապահովելու գործում»։