Էրդողանը ժամանել է Ադրբեջան

Էրդողանը ժամանել է Ադրբեջան Թուրքիայի նախագահ Ռեջեփ Թայիբ Էրդողանը ժամանել է Ադրբեջան՝ մասնակցելու Տնտեսական համագործակցության կազմակերպության 17-րդ գագաթնաժողովին։ 

Ինչպես հաղորդում է AZERTAC-ը, Ֆիզուլիի միջազգային օդանավակայանում պատվո պահակախումբ է շարվել՝ ի պատիվ պատվավոր հյուրի։ Թուրքիայի նախագահին դիմավորել են գիտության և կրթության նախարար Էմին Ամրուլլաևը, Աղդամի, Ֆիզուլիի և Խոջավենդի շրջաններում Ադրբեջանի նախագահի հատուկ ներկայացուցիչ Էմին Հուսեյնովը և այլ պաշտոնատար անձինք։

10:49

Թուրքիայի նախագահ Ռեջեփ Թայիբ Էրդողանը մեկնել է Ադրբեջան՝ մասնակցելու Տնտեսական համագործակցության կազմակերպության 17-րդ գագաթնաժողովին, որը տեղի կունենա Խանքենդիում, հաղորդում են թուրքական ԶԼՄ-ները։
 
Խանքենդի մեկնած թուրքական պատվիրակության կազմում են նաև՝ Թուրքիայի արտգործնախարար Հաքան Ֆիդանը, Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն, Թուրքիայի ընտանիքի և սոցիալական ծառայությունների նախարար Մահինուր Օզդեմիր Գյոքթաշը, Թուրքիայի առևտրի նախարար Օմեր Բոլաթը և այլոք։