Ղարաբաղ և Արևելյան Զանգեզուր մեկնելու ընթացակարգը պարզեցվել է

Ադրբեջանում պարզեցվում են՝ երկրի քաղաքացիներին անձնական  ավտոմեքենաներով Ղարաբաղի և Արևելյան Զանգեզուրի տնտեսական շրջաններ մուտք գործելու թույլտվություն տրամադրելու ընթացակարգերը։
 
Ինչպես հաղորդում է Caliber.Az-ը, այս մասին հաղորդվում է՝ Զբոսաշրջության պետական գործակալության և Ադրբեջանի Թվային զարգացման ու տրանսպորտի նախարարության համատեղ հայտարարության մեջ:
 
Տեղեկատվության համաձայն՝ համապատասխան ազատագրված շրջաններ անձնական տրանսպորտային միջոցներով ճանապարհորդելու համար՝ «Յոլումուզ Գարաբաղա» պորտալից ստացված թույլտվության վավերականության ժամկետը երկարաձգվել է մինչև 5 օր։
 
Մասնավոր տրանսպորտային միջոցներով երթևեկելու թույլտվություն կարող է ստացվել առավելագույնը 9 անձի համար, այդ թվում՝ 1 վարորդի։ Անձնական ավտոմեքենա է համարվում B կատեգորիայի տրանսպորտային միջոցը՝ Ադրբեջանի քաղաքացիներին պատկանող համարանիշով։
 
«Անձնական տրանսպորտային միջոցներ վարող անձինք պետք է ծանոթանան՝ «Յոլումուզ Գարաբաղա» պորտալի միջոցով ականային անվտանգության վերաբերյալ երթևեկության կանոններին և կրթական տեղեկատվությանը, ինչպես նաև այդ մասին տեղեկացնեն այցի մասնակիցներին և ազատագրված տարածքներ մուտք գործելիս համապատասխան ստուգումն անցնելուց հետո չշեղվեն երթուղուց՝ ականային անվտանգության կանոնները պահպանելու համար, ուշադիր լինեն ուղևորների նկատմամբ և հետևեն երթևեկության երթուղու կանոններին», - ասվում է տեղեկատվության մեջ։