Ղազախստանն ամրապնդում է գիտական ​​կապերը Ադրբեջանի հետ

Ղազախստանի Հանրապետության գիտության և բարձրագույն կրթության նախարարության և ԱՀ նախագահին առընթեր Բարձրագույն ատեստավորման հանձնաժողովի միջև՝ գիտական ​​հրապարակումների միասնական ցանկի հաստատման մասին համաձայնագիր է ստորագրվել։
 
Ինչպես հաղորդում է Trend-ը, այս մասին հայտնել են Ղազախստանի կառավարությունում:
 
Կառավարությունում նշել են, որ, փաստաթղթի համաձայն, երկու երկրների գիտնականները բացառիկ հնարավորություն կստանան՝ տպագրվելու միացյալ գիտական ​​ամսագրերում, ինչպես նաև երկու հանրապետությունների հրատարակություններում՝ դրանով իսկ ընդլայնելով գիտական ​​հրապարակումների և գիտելիքների փոխանակման հորիզոնները։
 
«Հետագայում մենք ցանկանում ենք նաև ընդլայնել համագործակցությունը գիտական ​​դրամաշնորհների և գիտական ​​նախագծերի փորձաքննության ոլորտում, քանի որ գիտական ​​հանրությունը փոքր է, և շատ կարևոր է դիվերսիֆիկացնել տարբեր տեսակետներն ու փորձաքննությունը», - ասել է՝ Ղազախստանի Հանրապետության գիտության և բարձրագույն կրթության նախարար Սայասաթ Նուրբեկը։