Նախագահ Ի.Ալիևը նշել է ԵԽԽՎ-ից «էմբարգոն» հանելու պայմանը

Ադրբեջանը ԵԽԽՎ անդամների՝ երկիր այցելելու արգելքը կվերացնի, երբ նրա պատվիրակությունը վերադառնա այս կազմակերպություն։
 
AZERTAC-ի փոխանցմամբ՝ այս մասին նա հայտարարել է Չեռնոբիոյի միջազգային ֆորումի շրջանականերում մոդերատորի հարցերին պատասխանելիս։
 
«Այն, ինչ տեղի ունեցավ այս տարվա հունվարին (ԵԽԽՎ-ում - խմբ.) հատեց կարմիր գիծը։ <…> Անցյալ տարի մենք ամբողջությամբ վերականգնեցինք մեր ինքնիշխանությունը։ Այսպիսով, անցյալ տարվա սեպտեմբերին Ադրբեջանի տարածքում անջատողականությունն ամբողջությամբ արմատախիլ արվեց։ Մենք այլ բան չենք արել, որը կտարբերվեր նրանից, ինչ փորձում է անել Ուկրաինան։ Ուկրաինան անհաջող փորձում է վերականգնել իր ինքնիշխանությունը՝ չնայած Արևմուտքի հսկայական աջակցությանը։ Մենք ինքներս վերականգնեցինք մեր ինքնիշխանությունը՝ առանց որևէ աջակցության։ Դրանից բառացիորեն մի քանի ամիս անց, ԵԽԽՎ-ն մեր պատվիրակությանը ձայնի իրավունքից զրկելու որոշում ընդունեց։ Այսինքն՝ մեր նկատմամբ պատժամիջոցներ կիրառվեցին, քանի որ մենք վերականգնեցինք մեր ինքնիշխանությունը»,- ընդգծել է նախագահ Իլհամ Ալիևը։

Նա նշել է, որ Ադրբեջանի որոշումը՝ պերսոնա նոն գրատա հայտարարելու ԵԽԽՎ անդամներին, ովքեր դեմ են քվեարկել ադրբեջանական պատվիրակության լիազորությունների երկարաձգմանը, համարժեք է։ «Մեր որոշումը պատասխան էր։ Եթե ​​նրանք փոխեն իրենց որոշումը և վերականգնեն մեր իրավունքը, ապա, այդ այսպես կոչված, էմբարգոն կհանվի։ <...> Մեր պատվիրակությունը պետք է վերադառնա, և այդ ժամանակ  արգելքը կվերացվի»,- հավելել է պետության ղեկավարը։