Օտարերկրյա դիվանագետներն ավարտել են իրենց այցը Քելբաջարի շրջան

Ավարտվել է Ադրբեջանում հավատարմագրված դիվանագետների այցը երկրի ազատագրված տարածքներ։

Ինչպես հայտնում է Сaliber.Az-ը, ուղևորության ընթացքում ավելի քան 60 դիվանագետներ, այդ թվում՝ 20 դեսպաններ, մանրամասն ծանոթացել են տարածաշրջանում իրականացվող շինարարական և վերականգնողական աշխատանքներին։

Դիվանագետներին ուղեկցել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։

Մեկօրյա ճամփորդության առաջին կետը եղել է Աղդերեյի շրջանի Սուգովուշան ավանը։ Դիվանագետները և ռազմական կցորդները հնարավորություն են ունեցել ծանոթանալ Սուգովուշանում իրականացվող վերականգնման և վերակառուցման նախագծերին, այցելել են «Սուգովուշան» հանգստի պուրակ, որտեղ նրանց տեղեկացրել են, որ այս բնակավայրն առաջիններից է, որ ազատագրվել է օկուպացիայից։

Պատվիրակությունն այցելել է նաև առանցքային ենթակառուցվածքային օբյեկտներ, այդ թվում՝ Սուգովուշանի և Սարսանգի ջրամբարներ, ինչպես նաև վերջերս շահագործման հանձնված «Յուխարը Վենք» հիդրոէլեկտրակայան:

Քելբաջարի շրջանում նրանք ծանոթացել են պատմական հուշարձանի՝ Խուդավենքի վանական համալիրին: