Փաշինյան. Անվտանգության թիվ մեկ երաշխիքը խաղաղությունն է

Հայաստանի վարչապետ Նիկոլ Փաշինյանը Հայկական երկրորդ գլոբալ գագաթնաժողովում նշել է, որ երկրում առկա անվտանգության համակարգը անարդյունավետ է։ Այս մասին հայտնում է ՏԱՍՍ-ը։ 

«Մեր անվտանգության ճարտարապետությունն անարդյունավետ էր: Մենք կարծում էինք, որ կարող ենք ապրել փակ սահմաններով տարածաշրջանում, խոսել այնպես, ինչպես ուզում ենք, և մեր դաշնակիցները՝ հեռավոր թե մոտ, կապահովեն մեր անվտանգությունը։

Սակայն պարզվեց, որ երրորդ երկրները կարող են գործել այնպես, ինչպես ցանկանում են՝ ելնելով իրենց շահերից։ Ուստի անվտանգության թիվ մեկ երաշխիքը խաղաղությունն է»,- ասել է նա։