Պետական ​​գործակալություն. Հորադիզ-Աղբենդ ճանապարհի շինարարությունը գրեթե ավարտվել է

Հորադիզ-Ջաբրայիլ-Զանգիլան-Աղբենդ (Զանգեզուրի միջանցք) ավտոմոբիլային ճանապարհի շինարարությունը, որի հիմքը դրել են Ադրբեջանի և Թուրքիայի նախագահները, 93%-ով ավարտվել է։
 
Այս մասին հայտնում է Caliber.Az-ը՝ հղում անելով Ադրբեջանի Ավտոմոբիլային ճանապարհների պետական ​​գործակալությանը։
 
Քառաշերտ ճանապարհի ընդհանուր երկարությունը 149,9 կմ է, հիմնական ճանապարհինը՝ 123,6 կմ։ Նախագիծը ներառում է 55 ստորգետնյա անցումների և 28 կամուրջների կառուցում։
 
Զանգեզուրի միջանցքի կառուցման  նախագծի կարևոր բաղադրիչներից են հանդիսանում թունելները։ 12032 մ ընդհանուր երկարությամբ ճանապարհի երկայնքով կառուցված 3 թունելներից յուրաքանչյուրում ավարտվել են հորատման և բետոնապատման աշխատանքները։
 
Հորադիզ-Ջաբրայիլ-Զանգիլան-Աղբենդ ճանապարհի կառուցումը՝ ենթակառուցվածքների ոլորտում Ադրբեջանի ձեռնարկած կարևոր քայլերից է։ Ճանապարհը մեծ նշանակություն ունի՝ Ադրբեջանի մյուս շրջանները Նախչըվանի Ինքնավար Հանրապետության հետ կապելու առումով։ Այն ոչ միայն կամրապնդի տրանսպորտային համակարգը, այլև կդառնա՝ տարածաշրջանի տնտեսական զարգացման արագացման և ռազմավարական կապերի ամրապնդման կարևոր գործիք։