Փեզեշքիանից պահանջում են ադրբեջաներեն լեզվով ուսուցում

Իրանի Թավրիզի համալսարանի տասնյակ ուսուցիչներ ստորագրել են՝ երկրի նախագահ Մասուդ Փեզեշքիանին ուղղված դիմումը՝ ադրբեջաներեն լեզվով  ուսուցում ապահովելու պահանջով։
 
Ինչպես հայտնում է Report-ը, դիմումում ասվում է, որ փետրվարի 27-ին Իրանի խորհրդարանը պաշտպանել է՝ ոչ պարսկալեզու բնակչության համար մայրենի լեզուներով գրականություն դասավանդելու մասին օրինագիծը։
 
Դիմումի տակ ստորագրել են՝ համալսարանի պրոֆեսորադասախոսական կազմի 142 գիտությունների դոկտորներ և ճարտարագետներ:
 
Փաստաթղթում ընդգծվում է՝ Իրանի Սահմանադրության 15-րդ և 19-րդ հոդվածների կատարման անհրաժեշտությունը։ Նախագահ Փեզեշքիանին կոչ են արել՝ ապահովել սահմանադրական այս դրույթների կատարումն ու պաշտպանությունը։
 
Դիմումի հեղինակները Փեզեշքիանին հիշեցրել են նաև՝ մայրենի լեզուներով կրթության հարցը լուծելու նրա նախընտրական խոստումների մասին։