Շուշայում բացվել է SOCAR ապրանքանիշով առաջին ավտոլցակայանը

Շուշա քաղաքում շահագործման է հանձնվել SOCAR ապրանքանիշով առաջին ստացիոնար ավտոլցակայանը (ԱԼԿ):
 
Ինչպես հայտնում է Caliber.Az-ը՝ SOCAR-ին հղումով, նոր ավտոլցակայանի բացման արարողությանը  մասնակցել են՝ SOCAR PETROLEUM ՓԲԸ-ի ղեկավարությունը և հրավիրված հյուրերը։ Միջոցառման ընթացքում քննարկվել են՝ վերջին տարիներին կատարված աշխատանքները, ինչպես նաև ընկերության առջև ծառացած նպատակները։ Առանձնահատուկ ուշադրություն է դարձվել ՓԲԸ-ի գործունեությանը՝ Ղարաբաղի և Արևելյան Զանգեզուրի տնտեսական շրջաններում։ Բացի այդ, կոլեըկտիվին միացած նոր աշխատակիցներին մաղթել են հաջողություններ իրենց մասնագիտական ​​գործունեության մեջ։
 
Նշենք, որ հանրապետությունում բնակչության զբաղվածության մակարդակի բարձրացման և սոցիալական բարեկեցության բարելավման քաղաքականության շրջանակներում՝ այս ավտոլցակայանի բացմամբ ստեղծվել է 26 նոր աշխատատեղ։
 
Նոր ավտոլցակայանը գտնվում է առավել պահանջարկ ունեցող մայրուղիներից մեկում՝ Շուշա-Խանքենդի-Լաչին մայրուղում։ Այստեղ տեղադրված են վառելիքի երեք դիսպենսերներ, որոնք ապահովում են վառելիքի այնպիսի ապրանքանիշերի վաճառք, ինչպիսիք են «AI-92«, «AI-95» Premium, «AI-98« Super և Diesel-ը: Նաև, հաշվի առնելով էլեկտրական մեքենաների սեփականատերերը, կայանի տարածքում գործարկվել է լիցքավորման կետ։ Հաճախորդների հարմարավետության համար ավտոլցակայանը համալրված է անկանխիկ վճարումների POS տերմինալներով: