Թուրքիայի փոխնախագահ. Հուսով եմ, որ Միլլի Մեջլիսի ընտրությունները կնպաստեն տարածաշրջանում խաղաղությանն ու կայունությանը

Թուրքիայի փոխնախագահ Ջևդեթ Յըլմազը շնորհավորել է Ադրբեջանի նախագահ Իլհամ Ալիևին՝ սեպտեմբերի 1-ին հանրապետության Միլլի Մեջլիսի ընտրությունների արդյունքների կապակցությամբ։ 

AZERTAC-ի փոխանցմամբ, քաղաքական գործիչը սոցիալական ցանցերում կիսվել է՝ Ադրբեջանի ղեկավարին ուղղված շնորհավորական հրապարակմամբ։

«Անկեղծորեն շնորհավորում եմ Ադրբեջանի նախագահ Իլհամ Ալիևին և յոթերորդ գումարման Միլլի Մեջլիսի ընտրություններում հաղթած՝ «Ենի Ազերբայջան» կուսակցությանը։ Ուրախալի է նաև այն փաստը, որ 30 տարվա մեջ առաջին անգամ խորհրդարանական ընտրություններ են անցկացվել Ադրբեջանի ողջ ինքնիշխան տարածքում, այդ թվում՝ Ղարաբաղում։ Հուսով եմ, որ Միլլի Մեջլիսի ընտրությունները կնպաստեն տարածաշրջանում խաղաղությանն ու կայունությանը ու կծառայեն ի շահ Ադրբեջանի ժողովրդի և ամբողջ թուրքական աշխարհի»,- ասվում է հրապարակման մեջ։