Սիյարտոն հույս է հայտնել, որ Բաքուն և Երևանը վերջ կդնեն հակամարտությանը

Մենք գոհունակությամբ նշում ենք խաղաղ համաձայնագրի նախապատրաստման առաջընթացը, որը կարող է վերջ դնել հակամարտությանը Ադրբեջանի և Հայաստանի միջև և հուսով ենք, որ պայմանավորվածությունը կհանգեցնի իրական խաղաղության համաձայնագրի։

Ինչպես հայտնում է Caliber.Az-ը, այս մասին սոցցանցի իր էջում գրել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն։

«Ուկրաինայում շարունակվող պատերազմից բացի, ցավոք, աշխարհում դեռ շատ հակամարտություններ կան։ Սակայն դրանցից մեկը կարծես թե գնում է դեպի լուծում։ Այսօր իմ ադրբեջանցի գործընկեր և ընկեր Ջեյհուն Բայրամովից տեղեկացա, որ համաձայնություն է ձեռք բերվել խաղաղ համաձայնագրի տեքստի շուրջ, որը կարող է վերջ դնել Ադրբեջանի և Հայաստանի միջև հակամարտությանը։ Իհարկե, սա խաղաղության գործընթացի ավարտը չէ, բայց դա շատ կարևոր քայլ է Հարավկովկասյան տարածաշրջանում ապրող մարդկանց խաղաղ և հանգիստ կյանքը վերականգնելու ուղղությամբ։

Մենք գոհունակությամբ նշում ենք այս առաջընթացը և հույս ունենք, որ համաձայնագիրը կհանգեցնի իսկական խաղաղության պայմանագրի»,- նշել է արտգործնախարարը։