Ուկրաինայի ԱԳՆ-ն շնորհակալություն է հայտնել Ադրբեջանին մարդասիրական օգնության համար

Ուկրաինայի արտաքին գործերի նախարարությունը շնորհակալություն է հայտնել Ադրբեջանին էներգետիկ օգնության համար։

Caliber.Az-ի փոխանցմամբ՝ Ուկրաինայի արտաքին գործերի նախարարության հաղորդագրության մեջ նշվում է.

«Ուկրաինայի արտաքին գործերի նախարար Անդրեյ Սիբիհան հայտնել է մի շարք երկրների կողմից Ուկրաինային տրամադրվող լրացուցիչ էներգետիկ օգնության, հատուկ սարքավորումների և վճարումների մասին, որոնք կօգնեն ամրապնդել նրա դիմադրողականությունը ռուսական մշտական ռմբակոծությունների պայմաններում։  

«Մենք շնորհակալ ենք մեր գործընկերներին աջակցության համար, որը ջերմություն է հաղորդում թե՛ բառացի, թե՛ փոխաբերական իմաստով։ Այս աջակցությունը ապացուցում է, որ մենք միայնակ չենք», - ընդգծել է Ուկրաինայի արտաքին գործերի նախարար Անդրեյ Սիբիհան։