Ադրբեջանը 500 հազար դոլար է ծախսել «Գնդակոծված հուշարձանների» հետգնման համար

Հայտնի է դարձել, թե որքան գումար է ծախսել Ադրբեջանը «Գնդակոծված հուշարձանների» հետգնման համար, որոնք հայկական օկուպացիայի արդյունքում գողացվել և տեղափոխվել էին Վրաստան:

Այս մասին ասել է Մուլտիկուլտուրալիզմի միջազգային կենտրոնի գործադիր տնօրեն Ռավան Հասանովը՝ «Ղարաբաղի և Արևելյան Զանգեզուրի ճարտարապետական գործը. վերականգնում, պահպանություն և օգտագործման հիմնախնդիրները» թեմայով միջազգային գիտաժողովում ունեցած իր ելույթում, հաղորդում է Caliber.Az-ը։

Նա նշել է, որ հուշարձանների հետգնման և Ադրբեջան տեղափոխելու համար 500 հազար ԱՄՆ դոլար է ծախսվել:

«Վրաստանում այդ հուշարձանները փորձել են վաճառել որպես մետաղի ջարդոն: Վրաստանի կառավարության օգնությամբ այդ հուշարձանները ձեռք են բերվել և տեղափոխվել Ադրբեջան: Այդ հուշարձաններն արդեն վերականգնվել են և գտնվում են Շուշայում՝ իրենց պատմական վայրում»։