Ադրբեջանի ԱԳՆ. Էդիլլիում հայտնաբերվել է կտտանքների հետքերով 12 մարդու աճյուն

Ադրբեջանի արտաքին գործերի նախարարությունը Twitter-ում հաղորդագրություն է հրապարակել Խոջավենդի շրջանի Էդիլլի գյուղում հայտնաբերված զանգվածային գերեզմանի մասին:

Ինչպես տեղեկացնում է Caliber.Az-ը, ԱԳՆ հրապարակման մեջ նշվում է, որ 4000 ադրբեջանցիներ դեռ համարվում են անհետ կորած, իսկ դա կատարած հայերին որևէ մեղադրանք չի առաջադրվել։

«Եվս մեկ զանգվածային թաղման վայր է հայտնաբերվել նախկինում օկուպացված Խոջավենդի շրջանի Էդիլլի գյուղում, որտեղ կան մետաղալարով և պարանով կապված 12 մարդու աճյուններ, նաև հայտնաբերվել են խոշտանգումների նշաններ։ Մոտ 4000 ադրբեջանցի խաղաղ բնակիչներ և ռազմագերիներ դեռևս գտնվում են անհայտ կորածների ցուցակում, և դա արած հայերի դատապարտող չկա»,- ասվում է հաղորդագրության մեջ։