Ադրբեջանում բացահայտվել է Իրանի հատուկ ծառայությունների կողմից ստեղծված ապօրինի զինված կազմավորում ՏԵՍԱՆՅՈՒԹ

Պետական անվտանգության ծառայությունը բազմակողմանի քննչական միջոցառումներ է իրականացնում՝ կապված իրանական հատուկ ծառայությունների կողմից Ադրբեջանի Հանրապետության քաղաքացիներին երկրից դուրս զորավարժություններին գաղտնի ներգրավելու, ֆինանսավորման և գործունեության ուղղորդման, շանտաժի միջոցով ազդեցության գոտում պահելու հետ՝ նրանց Ադրբեջանի Հանրապետության պետական անվտանգության շահերի դեմ օգտագործելու նպատակով։

Ինչպես Caliber.Az-ին հայտնել են Պետական անվտանգության ծառայությունից, օպերատիվ-քննչական միջոցառումների արդյունքում պարզվել է, որ իրանական հատուկ ծառայությունների վերահսկողության ներքո արմատական-ծայրահեղական կրոնական գաղափարների քարոզչության միջոցով գաղտնի ստեղծվել է Ադրբեջանի քաղաքացիներից կազմված ապօրինի զինված կազմավորում։ Ներկայումս Իրանում թաքնվող Իբրահիմբեյլի Թոհիդ Ալիմ օղլուի, Ասադով Ռովշան Էլչին օղլուի, Մամեդով Օրխան Քյամրան օղլուի, Հաջիև Էլշադ Էլչին օղլուի (Աքրամ Հաջիզադե) և այլոց նկատմամբ 2018 թվականից դատարանի որոշմամբ խափանման միջոց է ընտրվել կալանավորումը և նրանց նկատմամբ միջազգային հետախուզում է հայտարարվել:

Հիշեցնենք, որ ավելի վաղ հայտարարվել էր Ադրբեջանում իրանական լրտեսական ցանցի բացահայտման մասին: