Անհետ կորած ադրբեջանցիների ընտանիքները նամակ են հղել ՄԱԿ-ին

«Ղարաբաղում անհետ կորածների ընտանիքներ» հասարակական միավորումը նամակ է հղել Միավորված ազգերի կազմակերպությանը (ՄԱԿ).

Ինչպես հայտնում է Caliber.Az-ը, դիմումում ասվում է.

«Մենք՝ որպես Ադրբեջանի դեմ Հայաստանի ռազմական ագրեսիայի հետևանքով անհետ կորած 3890 ադրբեջանցիների ընտանիքների անդամներին միավորող հասարակական կազմակերպություն, անհետ կորածների ընտանիքների անունից դիմում ենք՝ ՄԱԿ-ի գլխավոր քարտուղար Անտոնիո Գուտերիշին, ՄԱԿ-ի Գլխավոր ասամբլեայի նախագահ Չաբա Քերեշիին, ՄԱԿ-ի Մարդու իրավունքների խորհրդի նախագահ Վացլավ Բալեկին, ՄԱԿ-ի մարդու իրավունքների գերագույն հանձնակատար Ֆոլքեր Թյուրկուին։

Սակայն մենք 30 տարուց ավելի զրկված ենք այդ իրավունքից, Հայաստանը հրաժարվում է տեղեկատվություն տրամադրել անհետ կորած ադրբեջանցիների մասին՝ դատապարտելով մեզ անվերջ տառապանքների։ Մայրերն ու հայրերը հեռանում են այս աշխարհից՝ իրենց կորած երեխաների կարոտով: նրանց լուսանկարները կրծքին սեղմած: Երեխաներն իրենց կորած ծնողներին պատկերացնում են միայն մերձավորների պատմություններից։ Դա նշանակում է այն ողբերգությունն ու սարսափը, որին ամեն օր բախվում են հազարավոր ընտանիքներ:

Ադրբեջանի դեմ Հայաստանի ռազմական ագրեսիայի արդյունքում՝ Ղարաբաղյան Առաջին պատերազմի ժամանակ 3890 մարդ անհետ կորած է համարվում։ Դրանցից 3171 զինծառայող, 719 քաղաքացիական անձ։ Քաղաքական անձանց թվում 71 անչափահաս, 267 կին և 326 տարեց մարդիկ:.

Անհետ կորածների խնդիրը գլոբալ բնույթ է կրում, այն արդիական է ոչ միայն Ադրբեջանի համար։ Այս հարցի արդյունավետ լուծման համար կարևոր է, որ ՄԱԿ-ի համակարգը նույնպես ակտիվացնի իր ջանքերը: Ուստի մենք ձեզ կոչ ենք անում նպաստել՝ անհետ կորած անձանց հարցերով ՄԱԿ-ի հատուկ զեկուցողի ինստիտուտի ստեղծմանը»։