Արևմտյան Ադրբեջանի համայնքը պատասխանել է Նիկոլ Փաշինյանին

Արևմտյան Ադրբեջանի համայնքը պատասխանել է Հայաստանի վարչապետ Նիկոլ Փաշինյանին:

Ըստ Ազերթաջի՝ համայնքի հայտարարության մեջ ասվում է. «Այսօր Բեռլինում Գերմանիայի արտաքին հարաբերությունների խորհրդում (DGAP) իր ելույթում Հայաստանի վարչապետ Նիկոլ Փաշինյանը փորձել է խեղաթյուրել` Հայաստանից վտարված ադրբեջանցիներին իրենց տներ վերադառնալուն հնարավորություն տալու կոչերը։ Նա փորձել է այս կոչերը ներկայացնել որպես Հայաստանի տարածքային ամբողջականության և ինքնիշխանության վրա ազդող մի բան։

Ցանկանում ենք հիշեցնել վարչապետին, որ էթնիկ զտումները հանցագործություն է մարդկության դեմ, և Հայաստանից վտարված ադրբեջանցիների անվտանգ ու արժանապատիվ վերադարձը նրանց օրինական իրավունքն է։

Ադրբեջանցիների վերադարձի իրավունքի ապահովումը Հայաստանի պարտավորությունն է, որը բխում է՝ ՄԱԿ-ի կանոնադրությունից, Մարդու իրավունքների համընդհանուր հռչակագրից, մարդու իրավունքների եվրոպական կոնվենցիայից, քաղաքացիական և քաղաքական իրավունքների մասին միջազգային դաշնագրից և բազմաթիվ այլ կարևոր միջազգային փաստաթղթերից։