Զանգիլանում և Ֆիզուլիում բեռնափոխադրումների հանգույցներ են ստեղծվում

Լոգիստիկ ընկերություններից մեկը դիմել է Ադրբեջանի էկոնոմիկայի նախարարությանը կից տնտեսական գոտիների զարգացման գործակալություն՝ Արազի դաշտավայրի տնտեսական գոտու ռեզիդենտի կարգավիճակ ստանալու համար։

Այս մասին Caliber.Az-ին հայտնել է գործակալության ղեկավար Էլշադ Նուրիևը։

Նրա խոսքով, ընկերությունը ձեռք է բերել մոտ 50 բեռնատար և ենթակառուցվածք է ստեղծում, որպեսզի Զանգեզուրի միջանցքի բացումից հետո սկսի աշխատանքը։

«Բացի այդ, FedEX-ի, UPS-ի, ASE Express-ի և American Express-ի տեղական ներկայացուցչությունները ստեղծել են «Qarabağ Logistik» ընկերությունը։ Հիմնական նպատակը Արազի հովտի տնտեսական գոտում մաքսային պահեստների ստեղծումն է, Զանգիլան և Ֆիզուլի միջազգային օդանավակայաններում հանգույցների ձևավորումը, միջազգային բեռնափոխադրումների իրականացումը»,- ասել է Նուրիևը։