Ռուբիո. Ադրբեջանն ու Հայաստանը Վաշինգտոնում կստորագրեն փաստաթուղթ, որը կնշանավորի խաղաղության պայմանագրի սկիզբը

ԱՄՆ պետքարտուղար Մարկո Ռուբիոն հարցազրույց է տվել EWTN հեռուստաալիքին, որում, մասնավորապես, մեկնաբանել է Թրամփի վարչակազմի խաղաղության օրակարգը։

Այս մասին հաղորդում է Caliber.Az-ը՝ հղում անելով Պետդեպարտամենտի կայքին։

«Ավելի լայն խաղաղության օրակարգի առումով նախագահը հավատարիմ է խաղաղության գործին և ձգտում է լինել խաղաղության նախագահ։ Այսպիսով, երբ Հնդկաստանն ու Պակիստանը պատերազմեցին, մենք անմիջապես միջամտեցինք, և նախագահը կարողացավ ապահովել խաղաղություն։ Վերջին օրինակն է Կամբոջան և Թաիլանդը։

Ինչ վերաբերում է Ադրբեջանին և Հայաստանին, հուսով եմ, որ այս շաբաթվա ուրբաթ օրը մենք այստեղ կլինենք՝ համաձայնագիր ստորագրելու և խաղաղության պայմանագրի սկիզբը դնելու համար։

ԿԴՀ-Ռուանդա՝ 30 տարի պատերազմ, 7 միլիոն զոհ՝ մենք կարողացանք նրանց այստեղ բերել՝ պայմանագիր ստորագրելու համար։ Ակնհայտ է, որ աշխատանքը անհրաժեշտ է. խաղաղությունը մշտական չէ։ Այն միշտ պետք է աջակցվի և պահպանվի», - ասել է Ռուբիոն։