Զբոսաշրջության ենթակառուցվածքներ կստեղծվեն Հադրութում, Թուղում և Շահբուլագ ամրոցի շրջակայքում

«Հպարտությամբ կարող ենք ասել, որ մեր օկուպացված հողերի ազատագրումից հետո մենք ձգտում ենք զարգացնել Ղարաբաղը որպես զբոսաշրջային դեստինացիա»։

Այս մասին հայտարարել է Զբոսաշրջության պետական գործակալության նախագահ Ֆուադ Նաղիևը՝ ելույթ ունենալով AITF 2023 Ադրբեջանի 19-րդ միջազգային զբոսաշրջության և ճանապարհորդության ցուցահանդեսի բացման արարողության ժամանակ, տեղեկացնում է Caliber.Az-ը:

Նրա խոսքով, Թուղ գյուղում, Հադրութ ավանում, Աղդամի Շահբուլագ ամրոցի շրջակայքում, նախագծային աշխատանքներ են տարվում առաջնային տուրիստական ենթակառուցվածքների ստեղծման համար. «Շարունակվում են Սուգովուշանի ջրամբարի շուրջ զբոսաշրջային համալիրի կառուցման աշխատանքները։ Մենք կարծում ենք, որ զբոսաշրջությունը կլինի այստեղ բնակվող մարդկանց կենսակերպն ապահովելու առաջատար ճյուղերից մեկը»։