«Լաչինի ճանապարհն այլևս հասանելի չէ Հայաստանի անօրինական գործունեության համար» Ադրբեջանի ներկայացուցչությունը ՆԱՏՕ-ում

ՆԱՏՕ-ում Ադրբեջանի ներկայացուցչությունը Երևանին մեղադրել է՝ Լաչինի ճանապարհի շուրջ ստեղծված իրավիճակի շուրջ կեղծ նարատիվներ առաջ մղելու մեջ, որտեղ շարունակվում է բնապահպանական ակցիան՝ Հայաստանի գործողությունները բացատրելով այն անօրինական գործունեության համար օգտագործելու հնարավորության բացակայության պատճառով հուսահատությամբ։

«Հայաստանը բազմաթիվ կեղծ նարատիվներ է առաջ մղում, որպեսզի խեղաթյուրել տեղում իրականությունը... Հասկանալի է, թե ինչու է Հայաստանը այդքան հուսահատվել, չէ որ Լաչինի ճանապարհն այլևս հասանելի չէ իր անօրինական գործունեության, Ադրբեջանի բնական ռեսուրսների թալանի, զենք ու անձնակազմ տեղափոխելու համար, ինչպես դա պետք է համապատասխաներ եռակողմ հայտարարության (10-ը նոյեմբերի, 2020 թ.) ոգուն և տառին»,- ասվում է ներկայացուցչության՝ Թվիթերի միկրոբլոգում հրապարակված հայտարարության մեջ։

Ինչպես նշում է «Ինտերֆաքս»-ը՝ ՆԱՏՕ-ում երկրի ներկայացուցչությունում ընդգծել են, որ «Լաչինի ճանապարհը հանդիսանում է Ադրբեջանի ինքնիշխան տարածք, որը եռակողմ հայտարարության վեցերորդ կետի համապատասխան համաձայնվել է այն օգտագործել բացառապես մարդասիրական նպատակներով, և նույնիսկ երկու տարուց պակաս ժամանակում շահագործման է հանձնել նոր ճանապարհը»:

«Ադրբեջանը բարեխղճորեն կատարել է իր բոլոր պարտավորությունները, իսկ Հայաստանը առաջին օրերից Լաչինի ճանապարհը օգտագործում է անօրինական գործունեության համար։ Հայաստանը չի բացել նաև բոլոր տրանսպորտային հաղորդակցությունները տարածաշրջանում, ինչը հանդիսանում է եռակողմ հայտարարության 9-րդ կետի կոպիտ խախտում»,- ընդգծել են ՆԱՏՕ-ին առընթեր ներկայացուցչությունում։

«Հայաստանը Լաչինի ճանապարհը օգտագործել է զենքի և անձնակազմի ապօրինի տեղափոխման համար։ Հայաստանը նախ հերքում էր, իսկ հետո ստիպված եղավ խոստովանել Ադրբեջանի տարածքում իր զինված ուժերի անօրինական ներկայությունը, ինչը, այդ թվում նաև խախտում է եռակողմ հայտարարության չորրորդ կետը»,- նշել են ներկայացուցչությունում։

Բաքուն նշել է, որ վերջին չորս ամիսների ընթացքում Ադրբեջանը Ղարաբաղի և Արևելյան Զանգեզուրի ազատագրված տարածքներում բացահայտել է հայկական արտադրության 2700 ական։ «Ականները արտադրվել են 2021 թվականին և Հայաստանի կողմից առաքվել են դրա համար միակ հասանելի երթուղի Լաչինի միջանցքով», - հայտարարել են ՆԱՏՕ-ին առընթեր ներկայացուցչությունում։ Այնտեղ էլ հավելել են, որ Ադրբեջանը 2021 թվականի նոյեմբերից բարձրացրել է Հայաստանի անօրինական տնտեսական գործունեության հարցը, սակայն Երևանը անտեսել է այդ կոչը։

Բաքվում նշել են, որ Լաչինի ճանապարհը լիովին բաց է եռակողմ հայտարարության համաձայն մարդասիրական նպատակների համար։ «Հայաստանի մեղադրանքները (Ադրբեջանի հասցեին) «շրջափակման» (ճանապարհի –ԻՖ ) մեջ անհիմն են և հեշտությամբ կարող են հերքվել հարյուրավոր հասանելի տեսանյութերով։ ԿԽՄԿ-ի մեքենաներն ազատ անցնում են ճանապարհով», - հայտարարել են ներկայացուցչությունում, հավելելով, որ «Հայաստանը և որոշ խամաճիկներ «շրջափակման» մասին կեղծ նարատիվ ստեղծելու համար քաղաքացիներին միտումնավոր թույլ չեն տալիս օգտվել Լաչինի ճանապարհից։