Լաչինի շրջանում մեծ թվով հակահետևակային ականներ են հայտնաբերվել ՖՈՏՈ/ՏԵՍԱՆՅՈՒԹ

Օգոստոսի 5-ին Լաչինի շրջանում իրականացված ականազերծման աշխատանքների արդյունքում՝ Քիչիք Իշըգլը լեռան հարավային հատվածում՝ կիրճում, ականապատ տարածք է հայտնաբերվել։

Այս մասին Caliber.Az-ին հայտնել են Ադրբեջանի Պաշտպանության նախարարությունից։

«Ադրբեջանական բանակի ինժեներա-սակրավորային ստորաբաժանումների կողմից տարածքի մաքրման ընթացքում հայտնաբերվել են՝ 2021 թվականին Հայաստանում արտադրված 102 E-001M տեսակի հակահետևակային ականներ, որոնք հավաքավել են անվտանգության միջոցների պահպանմամբ և վնասազերծվել։

Տարածքի ականազերծման ուղղությամբ պատշաճ միջոցառումները շարունակվում են»,- նշում են գերատեսչությունից։