Հպարտությամբ դեպի առաջ. Խանքենդի-Բաքու ուլտրամարաթոնն ավարտվել է

Ավարտվել է Խանքենդի-Բաքու ուլտրամարաթոնի առաջին փուլը, որը կազմակերպել էր Երիտասարդության և սպորտի նախարարությունը՝ Ադրբեջանի թեթև աթլետիկայի ֆեդերացիայի հետ համատեղ։

Ինչպես հայտնում է Caliber.Az-ը, «Հպարտությամբ դեպի առաջ» կարգախոսով առաջին անգամ անցկացված մրցավազքի մասնակիցները հաղթահարել են 83 կմ տարածություն։

Խանքենդիում մեկնարկած ուլտրամարաթոնի առաջին փուլն ավարտվել է Եվլախում։ Առաջին տեղը զբաղեցրել է Էլմիր Ասկերովը, ով 83 կմ-ն անցել է 6 ժամ 52 րոպեում, Աղա Ալիևը զբաղեցրել է երկրորդ տեղը, իսկ Էլման Աբիշովը՝ երրորդ։ Առաջին փուլին կհաջորդեն Եվլախ - Ուջար (84 կմ), Ուջար - Հաջիգաբուլ (88 կմ), Հաջիգաբուլ - Գոբուստան (70 կմ) և Գոբուստան - Բաքու (55 կմ) փուլերը և մարտի 4-ին ուլտրամարաթոնի մասնակիցները մրցավազքը կավարտեն Բաքվում։

Ուլտրամարաթոնին, ընդհանուր առմամբ, մասնակցում է 64 մարզիկ։ Նրանց թվում են Թուրքիայի (5 հոգի), Մեքսիկայի (4) և Մոլդովայի (1) ներկայացուցիչներ։

Նշենք, որ յուրաքանչյուր փուլի հաղթողները կպարգևատրվեն առանձին, իսկ ընդհանուր հաղթողները կստանան գլխավոր մրցանակը: