Հրապարակվել է՝ Ղարաբաղյան պատերազմներից հետո գերությունից և պատանդությունից ազատված ադրբեջանցիների թիվը

«Ղարաբաղյան 1-ին պատերազմում հակամարտության ընթացքում գերությունից և պատանդությունից ազատվել է 1480, իսկ Ղարաբաղյան 2-րդ պատերազմից հետո՝ 26 ադրբեջանցի։

Ինչպես հայտնում է Caliber.Az-ը, այս մասին «Դատական հնագիտություն և դատաբժշկական մարդաբանություն. մարդասիրական կիրառություններ» առաջին միջազգային համաժողովում ասել է՝ Ռազմագերիների, պատանդների և անհայտ կորած քաղաքացիների հարցերով պետական հանձնաժողովի աշխատանքային խմբի ղեկավար Իսմայիլ Ախունդովը։

Նշվել է, որ ղարաբաղյան 1-ին պատերազմի ժամանակ հակառակ կողմ է փոխանցվել ավելի քան 500 մարդ, իսկ ղարաբաղյան 2-րդ պատերազմից անցած ժամանակահատվածում՝ 181 մարդ։