Պակիստանի դեսպան. Քելբեջարը կարող է վերածվել զբոսաշրջային կենտրոնի

Քելբեջարը ներդրումների և ենթակառուցվածքների զարգացման ներուժ ունի։

Այս մասին Caliber.Az-ին ասել է՝ Ադրբեջանում Պակիստանի դեսպան Բիլալ Հային՝ Քելբեջարի շրջան կատարած այցի ժամանակ։

Դիվանագետը նշել է, որ ծրագրում է օգնել այս տարածաշրջան ներգրավել պակիստանյան ընկերություններին։

«Քելեջարը ոչ միայն գեղեցիկ լանդշաֆտով շատ գեղեցիկ շրջան է, այն նաև հարուստ է բնական պաշարներով։ Մենք կարծում ենք, որ մեծ ներուժ կա այս տարածաշրջանը զբոսաշրջության կենտրոն դարձնելու համար»,- ասաց Բ.Հային։

Դեսպանը վստահություն է հայտնել, որ «այս շրջանը շուտով ամբողջությամբ կվերականգնվի, և իսկական բնակիչները կվերադառնան այնտեղ»։