Վերակենդանացած Լաչինը նման է Ալպերում գտնվող շվեյցարական քաղաքներին

«Լաչինում ամեն ինչ թանկ է», «այստեղ ապրելու ծախսերը բարձր են» պնդումներն անհեթեթ են։

Ինչպես հայտնում է Caliber.Az-ը, այս մասին Խորհրդարանական լրագրողների միության անդամների հետ զրույցում ասել է «Laçın Abadlıq» ԲԲԸ փոխտնօրեն Էլնուր Աբդուլլաևը։

Աբդուլլաևի խոսքով՝ Լաչինում շինարարությունն ու բարեկարգման աշխատանքները սկսվել են անցյալ տարվա սեպտեմբերին։

Աբդուլլաևն ընդգծել է, որ Լաչինի Դրոշի հրապարակը բոլորովին այլ կերպ է պլանավորվել։

«Տարածքում, որտեղ կա 22 տուն, և որին նայում ենք Դրոշի հրապարակից, կառուցվում է օկուպացիայի թանգարան բաց երկնքի տակ։ Նպատակը հայկական վանդալիզմը ցույց տալն է: Գլխավոր փողոցը մենք նախատեսել ենք որպես զբոսաշրջային գոտի։ Այստեղ երթևեկությունն արգելվելու է»։

«Laçın Abadlıq» ԲԲԸ-ի փոխտնօրենը հայտնել է, որ շրջանում արդեն գործում են մի քանի ինտերնետ պրովայդերներ։ «Այստեղ ինտերնետի և կապի հետ կապված խնդիրներ չկան»,- հավելել է Աբդուլլաևը։

Նա ընդգծել է, որ զբաղվածության խնդիրն առաջնային է:

Նա հավելել է, որ քաղաքում շինարարական աշխատանքներն իրականացվում են գլխավոր հատակագծին համապատասխան։

«Քաղաքում կլինեն մի շարք բազմահարկ շենքեր։ Ընդհանուր առմամբ այնտեղ ապրելու է 3 838 ընտանիք (13 122 մարդ)։ Մենք ձգտում ենք ամեն ինչ անել, որպեսզի պայմաններ ստեղծենք հայրենի հողեր վերադառնալու համար»,- նշել է Աբդուլլաևը՝ նկատելով, որ Լաչինն արդեն նման է Ալպերում գտնվող շվեյցարական քաղաքներին։