Վրացի երգիչները Շուշայում կատարել են ադրբեջանական երգեր ՏԵՍԱՆՅՈՒԹ

Ավարտվել է վրացի մշակութային գործիչների, բնապահպանների, թուրքագետների, բլոգերների այցը Շուշա։

Ինչպես հայտնում է Caliber.Az-ը, վրացի օպերային երգչուհի Ժակելի Լամզեն Շուշայի բերդի դիմաց կատարել է՝ Ասլան Աբդուլլաևի խոսքերով և Էլզա Իբրահիմովայի երաժշտությամբ «Ey Vətən» երգը։

Երգիչ Վերիկո Տուրաշվիլին, շրջելով քաղաքի փողոցներով, կատարել է՝ «Sarı gelin» երգը, իսկ երգիչ Դմիտրի Կիսիշվիլին և նրա դուստր Էլի Կիսիշվիլին՝ «Cücələrim» երգը։

Նշենք, որ երեկ վրացական պատվիրակության անդամները հետևել են Ջաբրայիլի և Ֆիզուլիի շրջաններում ականազերծման գործընթացին։ Վաղը նրանք կայցելեն Աղդամ։