Վրացի պրոֆեսոր. Ղարաբաղի համար արժեր կռվել

Ադրբեջանում չկա երկրորդ նման գեղեցիկ մարզ, ինչպիսին Ղարաբաղն է։ Ղարաբաղը հմայեց ինձ: Այս հողերի համար արժեր պայքարել։

Այս մասին Caliber.Az-ին ասել է Վրաստանի ազգային թանգարանի գլխավոր համակարգող, պատմական գիտությունների դոկտոր, պրոֆեսոր, «Ղարաբաղի խանություն. պատմական և մշակութային ինքնություն» գրքի հեղինակ Էլդար Նադիրաձեն՝ ելույթ ունենալով «Վրաստան-Ադրբեջան. դարերի փորձություն անցած բարեկամության ժառանգությունը» խորագրով միջազգային խորհրդաժողովում, հաղորդում է Report-ը։

Նրա խոսքով, Վրաստանի ազգային թանգարանում պահվում են Ադրբեջանին վերաբերող եզակի նյութեր. «Առաջին հերթին մենք գիրք ենք պատրաստել թանգարանի ֆոնդերում պահվող ադրբեջանական գորգերի մասին։ Հաջորդ հրատարակությունները նվիրված էին Իրևանի խանությանը, Բաքվի մշակութային ժառանգությանը և Ղարաբաղի խանությանը։ Ես մի գաղափար ունեմ, և ուզում եմ այն անպայման իրականացնել։

Ուզում եմ աշխատել Ադրբեջանի նյութական և մշակութային ժառանգության մասին գրքի վրա, որը պահվում է Վրաստանի ազգային թանգարանում։ Ես կպատրաստեմ այդ գիրքը և կնվիրեմ սիրելի ադրբեջանական ժողովրդին»։