SOCAR-ը՝ երկրորդ եռամսյակում գազի և նավթի արդյունահանման մասին

Ադրբեջանի պետական նավթագազային ընկերությունը (SOCAR) այս տարվա երկրորդ եռամսյակի արդյունքներով՝ ընկերության կողմից անկախ կամ որպես   հիմնական բաժնետեր շահագործվող հանքավայրերից արդյունահանել է 1,97 միլիարդ խորանարդ մետր գազ, ինչը 8,5%-ով ավելի է նախորդ տարվա նույն ժամանակահատվածի համեմատ։
 
Ինչպես հաղորդում է Caliber.Az-ը, այս մասին հայտնել է SOCAR-ը։
 
«Ընդհանուր առմամբ, երկրում գազի արդյունահանումը 2024 թվականի նույն ժամանակահատվածի համեմատ աճել է մոտ 1.4%-ով՝ հասնելով 12.692 միլիարդ խորանարդ մետրի», - նշվում է տեղեկատվության մեջ։
 
Բնական գազի արտահանումը երկրորդ եռամսյակում կազմել է 6,166 միլիարդ խորանարդ մետր (0,7% անկում), իսկ սպառումը՝ 2,4 միլիարդ խորանարդ մետր (6% աճ): Միաժամանակ, նավթի արդյունահանման ծավալը կազմել է 1,769 միլիոն տոննա (5,7% անկում):
 
Ընդհանուր առմամբ, Ադրբեջանում արդյունահանվել է 6.8 միլիոն տոննա հում նավթ (4.9%-ի անկում): «Հաշվետու ժամանակահատվածում SOCAR-ի նավթի արտահանման ծավալը արտաքին շուկաներ աննշան աճել է՝ նախորդ տարվա նույն ժամանակահատվածի համեմատ (+0,1%) և կազմել է մոտ 4,2 միլիոն տոննա։