Գործազրկության մակարդակն Ադրբեջանում զգալիորեն աճել է 2025 թվականին

Ադրբեջանում գործազուրկների թիվը 2026 թվականի հունվարի 1-ի դրությամբ կազմել է 239 800, ինչը 22 600-ով կամ 10.4%-ով ավելի է 2025 թվականի հունվարի 1-ի ցուցանիշի համեմատ։

Ինչպես հաղորդում է Caliber.Az-ը, այս մասին նշված է Պետական վիճակագրական կոմիտեի հաղորդագրության մեջ։

«2026 թվականի հունվարի 1-ի դրությամբ Զբաղվածության պետական գործակալության տեղական գրասենյակներում գրանցված գործազուրկների թիվը կազմել է 239 800 մարդ, որոնցից 51.9%-ը կանայք են (2025 թվականի հունվարի 1-ի դրությամբ՝ 47.6%)», - նշվում է Պետվիճկոմի զեկույցում։

Ընդ որում, նոյեմբերի համեմատ, դեկտեմբերին գործազուրկների թիվը աճել է 0.2%-ով կամ 0,5 հազար մարդով։

Վիճակագրության համաձայն՝ գործազրկության նպաստի ամսական միջին վճարը կազմել է 452,8 մանաթ (2025 թվականի հունվարի 1-ի դրությամբ՝ 394,9 մանաթ):