Ադրբեջան-Վրաստան-Թուրքիա-Բուլղարիա էներգետիկ միջանցք. Թուրալ Ալիևը՝ խորհրդատուի ընտրության մասին

Շուտով կսկսվի Ադրբեջան-Վրաստան-Թուրքիա-Բուլղարիա էներգետիկ միջանցքի նախագծի տեխնիկակոմերցիոն հիմնավորման  համար խորհրդատուի ընտրությունը։

Report-ի փոխանցմամբ՝ այս մասին հայտարարել է «Կանաչ էներգիայի միջանցք» համատեղ ձեռնարկության գլխավոր տնօրեն Թուրալ Ալիևը՝ Մաքուր էներգիայի միջազգային օրվան նվիրված կլոր սեղանի ժամանակ։

Նրա խոսքով՝ ինտերկոնեկտորի նախագծի տեխնիկական բնութագրերն արդեն պատրաստ են, և մոտ ժամանակներս կսկսվի տեխնիկակոմերցիոն հիմնավորման մշակման համար խորհրդատուի ընտրության գործընթացը։