Ադրբեջանը պետք է զարգացնի մեքենաների լիցքավորման ենթակառուցվածքը. AmCham

Ադրբեջանը մինչև 2030 թվականը պետք է էլեկտրաֆիկացնի իր ավտոբուսային պարկի առնվազն 30%-ը՝ «կանաչ տրանսպորտի» անցման շրջանակներում։

Report-ի փոխանցմամբ՝ այս մասին ասվում է Ադրբեջանում Ամերիկյան առևտրի պալատի (AmCham) «Սպիտակ գիրք – 2025» զեկույցում։

Փաստաթղթում նշվում է, որ էկոլոգիապես մաքուր տրանսպորտի զարգացումը անմիջականորեն կապված է ածխաթթու գազի արտանետումների կրճատման հետ և համապատասխանում է երկրի ազգային կլիմայական պարտավորություններին։

AmCham-ի փորձագետները շեշտում են, որ տրանսպորտը, հատկապես քաղաքներում, մնում է օդի աղտոտման հիմնական աղբյուր։

Զեկույցում նաև նշվում է, որ Ադրբեջանն արդեն քայլեր է ձեռնարկել էլեկտրական տրանսպորտի զարգացման ուղղությամբ, ներառյալ Բաքվում էլեկտրական ավտոբուսների գործարկումը, էլեկտրական մեքենաների համար հարկային և մաքսային արտոնությունները և վարկավորման պայմանների բարելավումը։