Ադրբեջանն արդեն գազ է մատակարարում Ավստրիային և Գերմանիային

Ադրբեջանը՝ այս տարվա հունվարից սկսել է գազ մատակարարել Ավստրիային և Գերմանիային։
 
Ինչպես հաղորդում է Caliber.Az-ը, այս մասին հայտնում  է՝ Ադրբեջանի Հանրապետության պետական ​​նավթային ընկերությունը (SOCAR):
 
«SOCAR-ը սկսել է ադրբեջանական գազի արտահանման հաջորդ կարևոր փուլը՝ Հարավային գազային միջանցքի եվրոպական հատված TAP-ով փոխադրվող գազի զգալի ծավալներ վաճառելով Հարավային և Կենտրոնական Եվրոպայի շուկաներին։ Այսպիսով, 2026 թվականի հունվարից սկսած՝ ադրբեջանական գազը, այլ երկրների հետ մեկտեղ, կմատակարարվի նաև Ավստրիայի և Գերմանիայի գնորդներին», - նշվում է տեղեկատվության մեջ։
 
Ինչպես ընդգծել են ընկերությունում, Իտալիայի միջոցով Ավստրիա և Գերմանիա գազի մատակարարումները ընդլայնում են՝ ադրբեջանական գազի աշխարհագրական հասանելիությունը Եվրոպայում։
 
Այսպիսով, ադրբեջանական գազ գնող երկրների թիվը հասել  է 16-ի։