Ադրբեջանը մտադիր է ընդլայնել երկաթուղային համագործակցությունը Վրաստանի հետ

AZCON Holding-ի մաս կազմող «Ադրբեջանի երկաթուղիներ» ՓԲԸ նախագահ Ռովշան Ռուստամովը հանդիպումներ է ունեցել Վրաստանի առաջատար լոգիստիկ ընկերության՝ PACE Group-ի (որը կառավարում է Փոթիի նավահանգստի տերմինալը) և Բաթումիի ծովային նավահանգստի ղեկավարության հետ։

«Ադրբեջանի երկաթուղիներ»-ի մամուլի ծառայությունից Caliber.az-ին հայտնել են, որ հանդիպումների ժամանակ ընդգծվել է երկու երկրների լոգիստիկ ընկերությունների և ծովային նավահանգիստների միջև համագործակցության ընդլայնման կարևորությունը։

Նավահանգիստների գործունեությանը ծանոթացած «Ադրբեջանի երկաթուղիներ»-ի պատվիրակությունը տեղեկացվել է, որ Սև ծովի ափին ռազմավարական դիրք ունեցող Բաթումիի և Փոթիի նավահանգիստների առաջադեմ ենթակառուցվածքները թույլ են տալիս մշակել տարբեր տեսակի բեռներ։

Ռովշան Ռուստամովը հայտնել է, որ Ադրբեջանում երկաթուղային և նավահանգստային գործունեությունն արդեն կազմակերպված է միասնական կառավարման սկզբունքի հիման վրա։