Թուրք նախարար. Մենք Ադրբեջանից զգալի ծավալի գազ ենք գնում

Ադրբեջանը մեզ համար բնական գազի կարևոր մատակարար է։
 
APA-ի թուրքական բյուրոյի փոխանցմամբ, այս մասին հայտարարել է՝ Թուրքիայի էներգետիկայի և բնական պաշարների նախարար Ալփարսլան Բայրաքթարը։
 
Նա նշել է, որ Ադրբեջանի հետ կնքված գազի մատակարարման համաձայնագիրը գտնվում է իրականացման փուլում.
 
«Մենք Ադրբեջանից զգալի ծավալի գազ ենք գնում։ Այժմ այդ մատակարարումները երկարաձգվում են՝ ընդգրկելով 2029 թվականից հետո ընկած ժամանակահատվածը։ Հունվարի սկզբին մենք պայմանագիր ենք կնքել՝ ամսական 25 միլիարդ խորանարդ մետր գազի մատակարարման վերաբերյալ, և կարող ենք ասել, որ այն արդեն գործնականում իրականացման փուլում է», - հավելել է նախարարը։