ԱԶԲ-ն կարող է ֆինանսավորել սահմանային անցակետերի արդիականացման նախագիծը՝ Ադրբեջանի մասնակցությամբ

Ասիական զարգացման բանկը (ԱԶԲ) քննարկում է՝ «Սահմանային անցակետերի արդիականացում ինտեգրման, լոգիստիկայի և զարգացման համար» տարածաշրջանային նախագծի համար վարկ տրամադրելու հնարավորությունը, որում Ադրբեջանը հիմնական մասնակից է հանդես գալիս և առաջատար է տարանցիկ ու սահմանային ենթակառուցվածքների զարգացման գործում։
 
Ինչպես հայտնում է Report-ը՝ ԱԶԲ-ին հղումով, նախագիծը ներառում է՝ Ադրբեջանը, Վրաստանը, Ղազախստանը, Ղրղզստանը, Մոնղոլիան, Պակիստանը, Չինաստանը, Տաջիկստանը, Թուրքմենստանը և Ուզբեկստանը։
 
Նշվում է, որ մաքսային ընթացակարգերի թվայնացման, սահմանային անցակետերի արդիականացման և միջազգային տրանսպորտային միջանցքների զարգացման Ադրբեջանի փորձը՝ դիտարկվում է որպես մոդել մյուս մասնակից երկրների համար։
 
Նախագծի ընդհանուր արժեքը կազմում է 50 միլիոն ԱՄՆ դոլար, և ֆինանսավորումը նախատեսվում է ապահովել ԱԶԲ-ի կապիտալ ռեսուրսների հաշվին։
 
Նախագծի հայեցակարգի հաստատումը նախատեսված է 2027 թվականի նոյեմբերի 26-ին, իսկ վարկի հաստատումը՝ 2028 թվականին։