Արաբական ներդրումները Ադրբեջանում գերազանցել են 600 միլիոն դոլարը

2025 թվականի առաջին կեսի վերջի դրությամբ՝ Պարսից ծոցի երկրները Ադրբեջանում ներդրել են 606 միլիոն դոլար։
 
Report-ի փոխանցմամբ, այս մասին ասվում է Եվրասիական զարգացման բանկի՝ «Եվրասիական տարածաշրջանը և ասիական գործընկեր երկրները. ներդրումային հոսքերի վերլուծություն» զեկույցում։
 
Բանկը նշում է՝ Պարսից ծոցի երկրներից Եվրասիական տարածաշրջանում ներդրումների արագ տեմպերը։ 2025 թվականի առաջին կիսամյակին դրանց ծավալը հասել է 23.9 միլիարդ դոլարի, ինչը 3.2 անգամ ավելի է, քան 2016 թվականին և 60%-ով  բարձր է՝ 2023 թվականի մակարդակից։
 
2025 թվականի առաջին վեց ամիսներին Պարսից ծոցի երկրների ներդրողները մեկնարկել են՝ մոտ 1 միլիարդ դոլարի ընդհանուր արժողությամբ 10 նոր նախագիծ։ Լիարժեք իրականացման դեպքում այս նախաձեռնությունների ընդհանուր արժեքը կգերազանցի 6.5 միլիարդ դոլարը։
 
2016 թվականից ի վեր ակտիվ նախագծերի թիվն աճել է մինչև 55-ի։ 2025 թվականին Ուզբեկստանում մեկնարկել է հինգ նախագիծ, Ղազախստանում՝ երեքը և Ադրբեջանում՝ երկուսը։
 
Եվրասիական տարածաշրջանում առաջատար ներդրողներն էին ԱՄԷ-ն (68%, 16.1 միլիարդ դոլար), Սաուդյան Արաբիան (18%, 4.2 միլիարդ դոլար), Կատարը (10%, 2.4 միլիարդ դոլար) և Օմանը (5%, 1.1 միլիարդ դոլար):