Օսիպյան. «Ղարաբաղում սովից ոչ ոք չի մահանում»

«Եկեք չփորձենք խաբել արտաքին աշխարհին ու խուճապ սերմանել բնակչության շրջանում՝ խոսելով այն մասին, որ Ղարաբաղում իբր մարդիկ սովից մահանում են»:

Caliber.Az-ի փոխանցմամբ՝ այս մասին ասել է ղարաբաղցի «ակտիվիստ» Արթուր Օսիպյանը 1in.am կայքին տված հարցազրույցում:

Հարցին, թե ներկայումս Ադրբեջանի Ղարաբաղի շրջանում ՌԽԶ պատասխանատվության գոտում սննդի հետ կապված խնդիրներ կա՞ն, և արդյոք ճի՞շտ են լուրերը, թե մարդիկ այնտեղ սովամահ են լինում, Օսիպյանը պատասխանել է, որ դա այդպես չէ:

«Անկեղծ ասած, գիտեք, թե որն է հարցը, այս դժվար իրավիճակն այսօր չի ստեղծվել։ Այս իշխանությունները 30 տարի թալանել են Ղարաբաղը, իսկ այս վատթարացումը հիմա չի եղել, իրավիճակը միշտ էլ ծանր է եղել։ Հիմա այս խնդիրները մի փոքր ավելացել են։ Այո, կան խնդիրներ, բայց պետք չէ չափազանցնել, որ Ղարաբաղում իբր մարդիկ սովամահ են լինում: Այո, իրավիճակը ծանր է. սկսած հացի հերթերից մինչև խանութից ինչ-որ բան գնելը։ Այո, կան նման փաստեր, բայց այդ խնդիրները կապված չեն «շրջափակման» հետ (չակերտները մերն են – խմբ.)։ Նախկինում էլ նման խնդիրներ եղել են. մի մասը լավ էր ապրում, մյուս մասը հազիվ էր հացի փող վաստակում»,- հայտարարել է Օսիպյանը։