Ֆրանսիայի քաղաքապետ. Տեսնելով Շուշան՝ հասկացա, թե ինչու են այդ տարածքներն այդքան կարևոր Ադրբեջանի համար

«Շուշա այցելելով՝ կարելի է հասկանալ, թե ինչու են Ադրբեջանում արվեստով զբաղվող մարդիկ իրենց արվեստը ստեղծում հենց այստեղ։ Այստեղ մարդը զգում է բնությունը, լսում է թռչունների երգը։ Բնության այս զավակները պատերազմի մասին չգիտեն։ Նրանց նայելով՝ մենք կարող ենք սովորել գոյակցել աշխարհում»։

Այս մասին Շուշային ծանոթության ժամանակ Ազերթաջին տված հարցազրույցում ասել է՝ ֆրանսիական Գուրգի-լե-Շատո համայնքի քաղաքապետ Լու Բոմիեն։

Ընդգծելով, որ Ֆրանսիայում մեծ հետաքրքրություն չեն ցուցաբերում լեռնային տարածաշրջանների նկատմամբ, Լու Բոմիեն ասել է. «Ադրբեջանում գնահատում են լեռնային տարածշրջանները, գեղեցիկ վայրերը։ Սա շատ դրական պահ է։ Շուշա ժամանելուց հետո հասկացա, թե ինչու այդ տարածքներն այդքան կարևոր նշանակություն ունեն Ադրբեջանի համար։ Որովհետև այստեղ են ծնվել երկրի մշակույթի ականավոր գործիչները։ Հիմա ես հասկանում եմ, թե ինչու են այդ տարածքները կարևոր Ադրբեջանի համար, և այդքան մեծ նշանակություն է տրվել այդ տարածքների վերադարձմանը»։