Ադրբեջանն ավարտում է Զանգեզուրում վիթխարի ճանապարհի շինարարությունը ՏԵՍԱՆՅՈՒԹ

AzVirt ընկերությունը հրապարակել է՝ 123,6 կմ երկարությամբ Հորադիզ-Ջաբրայիլ-Զանգիլան-Աղբենդ (Զենգեզուր միջանցք) ավտոմոբիլային ճանապարհի շինարարության նոր կադրերը, որի հիմքը դրել են Ադրբեջանի և Թուրքիայի նախագահները։

Ինչպես հայտնում է Caliber.Az-ը, դրանք ցույց են տալիս վիթխարի շինարարության մուտքը վերջնական փուլ։

Ճանապարհը սկսվում է Ֆիզուլիի շրջանի Ահմեդբեյլի գյուղից և կառուցվում է՝ առաջին տեխնիկական կարգի ավտոճանապարհների միջազգային չափանիշներին համապատասխան։ Ճանապարհի 77,5 կմ հատվածն ունի 6 գոտի, իսկ մնացած հատվածը (46,1 կմ)՝ 4 գոտի։ Ճանապարհի լայնությունը համապատասխանաբար 29,5 և 21,5 մետր է։

Ճանապարհի վրա կա 6 կմ ընդհանուր երկարությամբ երեք ավտոմոբիլային թունել։ Ճանապարհը նախատեսվում է ավարտել մինչև 2025 թվականը։