Կոբախիձե. Ընդդիմության հաղթանակը Վրաստանը կվերածի Ռուսաստանի դեմ երկրորդ ճակատի

Վրաստանի վարչապետ Իրակլի Կոբախիձեն հայտարարել է, որ երկիրը կվերածվի Ռուսաստանի հետ ռազմական առճակատման երկրորդ ճակատի, եթե ընդդիմությունը հաղթի հոկտեմբերին կայանալիք խորհրդարանական ընտրություններում։ Նա իր խոսքերը բացատրել է նրանով, որ 2022 թվականի փետրվարի 24-ից հետո վրացական ընդդիմությունը կոչ է արել զինվորականներին ուղարկել Ուկրաինայի մարտական գործողությունների գոտի։

Ինչպես հաղորդում է Caliber.Az-ը, այս մասին Վրաստանի վարչապետը հայտարարել է «Ռուսթավի-2»-ին տված հարցազրույցում։

«Եթե տեսականորեն կարող ենք պատկերացնել, որ իշխանության գա հավաքական «ազգային շարժումը» (Աստված մի արասցե, գործնականում դա տեղի չի ունենա, քանի որ վրաց ժողովուրդն առաջին հերթին պաշտպանում է երկրի շահերը), ապա ես ձեզ երաշխավորում եմ, որ ընտրություններից հետո 2. 3 ամիս հետո Վրաստանը կդառնա երկրորդ ճակատ. Ես դա երաշխավորում եմ՝ հիմնվելով իմ ունեցած տեղեկատվության և անցյալի փորձի վրա»,- ասել է Կոբախիձեն: