ՄԱԿ-ի գլխավոր քարտուղարի օգնական. Ականները մարտահրավեր են Կայուն զարգացման նպատակներին հասնելու համար

Ականազերծումը շատ մեծ մարտահրավեր է ոչ միայն Ադրբեջանի, այլև շատ այլ երկրների համար։

Ինչպես հաղորդում է Caliber.Az-ը, այս մասին Բաքվում՝ «Ականային սպառնալիքների դեմ պայքար. կայուն զարգացման ուղի» թեմայով ականազերծման միջազգային մարդասիրական համաժողովում հայտարարել է՝ ՄԱԿ-ի Գլխավոր քարտուղարի Օրիանականության ապահովման մարմինների հարցերով օգնական Ալեքսանդր Զուևը։

«Շատ մարդիկ դառնում են ականների զոհ։ Ցավոք սրտի, նրանց մեծ մասը կանայք ու երեխաներ են։ Դա պետք է դադարեցնել»,- ասել է Ա.Զուևը։

Նրա խոսքով, ականները նույնպես մարտահրավեր են Կայուն զարգացման նպատակներին հասնելու համար, քանի որ դրանք խոչընդոտ են գյուղատնտեսությամբ զբաղվողների համար։

«Ցանկանում եմ շնորհավորել Ադրբեջանին նման կարևոր համաժողովի անցկացման համար։ Հուսով եմ, որ նման միջոցառումներ կանցկացվեն ոչ միայն Ադրբեջանի մայրաքաղաքում, այլև այլ երկրներում»,- ասել է Զուևը։