Ռուս խաղաղապահները ջանքեր են գործադրել Ղարաբաղում կայունություն ապահովելու համար. Քերիմ Վելիև

«Այսօր՝ այս նշանակալից օրը, ուզում եմ հիշեցնել, որ ավելի քան 3 տարի առաջ 44-օրյա Հայրենական պատերազմում, մենք լիակատար հաղթանակ տարանք և վերականգնեցինք մեր տարածքային ամբողջականությունը Ադրբեջանի Հանրապետության նախագահ, Զինված ուժերի Գերագույն գլխավոր հրամանատարի գլխավորությամբ»։

Ինչպես հայտնում է Сaliber.Az-ը, այս մասին հայտարարել է Ադրբեջանի բանակի գլխավոր շտաբի պետ, գեներալ-գնդապետ Քերիմ Վելիևը ռուսական խաղաղապահ զորախմբի առաքելության ավարտին նվիրված արարողության ժամանակ։

«Հայկական անօրինական զինված կազմավորումների խաղաղ բնակչության դեմ սադրանքները կանխելու և Ղարաբաղի տնտեսական շրջանում Ադրբեջանի Հանրապետության լիակատար վերահսկողությունը հաստատելու նպատակով 2023 թվականի սեպտեմբերին իրականացվեցին լոկալ բնույթի հակաահաբեկչական միջոցառումներ։ Այդ միջոցառումների արդյունքում անջատողական ռեժիմի գործունեությունն ամբողջությամբ կասեցվեց, իսկ Հայաստանի զինված ուժերի մնացորդներն ու անօրինական հայկական զինված կազմավորումները վերջնականապես դուրս բերվեցին երկրի տարածքից։

Հաշվի առնելով ստեղծված իրավիճակը՝ մեր երկրների բարձրագույն ղեկավարությունները որոշում են կայացրել Ռուսաստանի Դաշնության խաղաղապահ զորախմբի առաքելությունը վաղաժամկետ ավարտելու մասին»,- ասել է նա։