Քննարկվել են Ադրբեջանի և Տաջիկստանի միջև ռազմական համագործակցության հարցեր ԼՈՒՍԱՆԿԱՐ/ՏԵՍԱՆՅՈՒԹ
Հոկտեմբերի 23-ին Ադրբեջան է ժամանել Տաջիկստանի Հանրապետության պաշտպանության նախարար, գեներալ-գնդապետ Շերալի Միրզոյի գլխավորած պատվիրակությունը։
Այս մասին հայտնում է Сaliber.Az-ը՝ հղում անելով ՊՆ-ին։
Ադրբեջանի պաշտպանության նախարար, գեներալ-գնդապետ Զաքիր Հասանովը ողջունել է հյուրերին: Նա խոսել է ԱՀ նախագահ, Զինված ուժերի գերագույն գլխավոր հրամանատար Իլհամ Ալիևի գլխավորությամբ ադրբեջանական բանակում իրականացվող բարեփոխումների, ազատագրված տարածքներում տարվող աշխատանքների մասին։
Տաջիկստանի պաշտպանության նախարարը գոհունակություն է հայտնել Ադրբեջան կատարած այցի կապակցությամբ, իր հերթին շնորհակալություն է հայտնել ջերմ ընդունելության համար և շնորհավորել ադրբեջանցի գործընկերոջը՝ հոկտեմբերի 18-ի՝ Անկախության վերականգնման օրվա առթիվ։
Նշվել է նման հանդիպումների կարևորությունը երկկողմ ռազմական համագործակցության հետագա ընդլայնման տեսանկյունից։ Հատուկ ընդգծվել է բանակաշինության և ռազմատեխնիկական ոլորտում փորձի փոխանակման կարևորությունը։
Հանդիպմանը քննարկվել են նաև ռազմական, ռազմատեխնիկական, ռազմակրթական և այլ ոլորտներում Ադրբեջանի և Տաջիկստանի միջև համագործակցության զարգացման հեռանկարները, ինչպես նաև փոխադարձ հետաքրքրություն ներկայացնող մի շարք հարցեր։