Քյամրան Ալիև. COP29-ի նախապատրաստական աշխատանքները վերջին փուլում են

Ադրբեջանի գլխավոր դատախազությունը ՄԱԿ-ի Թմրամիջոցների և հանցավորության դեմ պայքարի գրասենյակի (UNODC) հետ համատեղ կազմակերպել է հատուկ նիստ՝ «Մարդկանց և մոլորակի պաշտպանությունը հանցավորության կանխարգելման և արդարադատության միջոցով. Վիեննայից (UNTOC-COP12) մինչև Բաքու UNFCCC-COP29)» թեմայով:

Caliber.Az-ի փոխանցմամբ՝ միջոցառմանը մասնակցել են Վիեննայում հավատարմագրված դիվանագիտական ներկայացուցչությունների բարձրաստիճան ներկայացուցիչներ, ինչպես նաև Ավստրիայի և Թաիլանդի գլխավոր դատախազությունների, Միջազգային հակակոռուպցիոն ակադեմիայի և Դատախազների միջազգային ասոցիացիայի ներկայացուցիչներ։

Իր ելույթում ՄԱԿ-ի գլխավոր քարտուղարի տեղակալ, UNODC-ի գործադիր տնօրեն Գադա Վալին բարձր է գնահատել նոյեմբերին կայանալիք COP29 կլիմայական համաժողովին նախապատրաստվելու Ադրբեջանի ջանքերը։ Նա նշել է, որ Ադրբեջանի նախագահությամբ զգալի աշխատանք է կատարվել։